終於打敗仗。呢幾日狂流鼻水！😷🤒
都叫咗你地唔好對住我咳㗎啦，激死我！
今日竟然冇人攞假紙。如果唔係我都可以用我充滿磁性嘅聲音話：「我病都照返工喎，點解你唔番呀？」跟住我會咳兩聲等睇佢哋啲無奈樣，哈哈！
～～
今日有個少女想打水豆針。例牌梗係問佢有冇出過水痘，或者細個阿媽有冇帶佢打過水痘針。佢話好似冇出過，同埋搵唔到佢針卡記錄。阿媽又話應該可能或者冇打過。同佢講可以抽血驗下有冇抗體先。佢竟然話佢細個打針嘅時候，留低手臂有達La（疤/唔識寫呀大佬/啲鼻水喺度狂流我唔想搵下點寫啊🤧）。問我可唔可以分到呢個係咪打水痘針嘅疤？
佢就正如其他病人一樣，覺得我可以乜都分得出，X光眼都有。例如佢哋會話我出邊食咗隻藥係紅色圓形嘅。佢就覺得呢個世界上淨係得一千零一隻藥係紅色同埋圓形。其實你哋知唔知必理痛都有好多款唔同嘅顏色、名、同埋形狀㗎？？
Any肥，我抑壓住想反佢白眼一萬次嘅衝動，好友善咁同佢講係分唔到。同佢講番抽抗體等等…
我已經好攰喇我可以走得未？
～～
一年一度診所聖誕收禮物時間。今年送俾診所嘅聖誕Hamper係呢個。因為時間關係入面全部嘅餅同香檳都已經攞晒出嚟瓜分左啦哈哈哈。畀返網上個圖大家睇吓本來有咩先～
Search